OpenAI සමාගමේ නවතම ‘ටෙක්ස්ට්-ටු-වීඩියෝ’ (text-to-video) කෘත්‍රිම බුද්ධි (AI) මෙවලම වන ‘Sora’, දින පහකටත් අඩු කාලයකදී මිලියනයකට වඩා වැඩි වාර ගණනක් බාගත කර ඇති අතර, එය දියත් කළ අවස්ථාවේදී ChatGPT වාර්තා කළ කාලයට වඩා වේගයෙන් එම සන්ධිස්ථානයට ළඟා වී ඇත.
මෙම යෙදුම, සරල කෙටි පාඨමය විධාන (text prompts) හරහා තත්පර දහයක දිගකින් යුත් යථාර්ථවාදී පෙනුමක් ඇති වීඩියෝ ජනනය කරයි. Sora හි ප්‍රධානී බිල් පීබල්ස් (Bill Peebles) විසින් ‘X’ පණිවිඩයක් මගින් මෙම සංඛ්‍යා ලේඛන නිවේදනය කළ අතර, මෙම “වේගවත් වර්ධනය” වාර්තා වී ඇත්තේ මෙම යෙදුම උතුරු ඇමරිකාවේ ආරාධනා ලැබූවන්ට පමණක් ලබා දී තිබියදී වීම විශේෂත්වයකි. මෙම යෙදුම එක්සත් ජනපදයේ Apple App Store ප්‍රස්ථාරවල ඉහළින්ම රැඳී සිටින බව ද වාර්තා වේ.
කෙසේ වෙතත්, මෙම වර්ධනය තිබියදීත්, ප්‍රකාශන හිමිකම් සහිත ද්‍රව්‍ය භාවිත කිරීම සහ මියගිය ප්‍රසිද්ධ පුද්ගලයින්ගේ ප්‍රතිරූප නිර්මාණය කිරීම සම්බන්ධයෙන් Sora අන්තර්ජාලය ඔස්සේ දැඩි විවේචනයට ලක්ව ඇත.
උපුටා ගැනීම: සියළු තොරතුරු BBC ඇසුරෙනි.
