බ්‍රසීලයේ (Brazil) ජනාධිපති ලුයිස් ඉනාසියෝ ලූලා ද සිල්වා (Luiz Inacio Lula da Silva) සහ චීන ජනාධිපති ෂී ජින් පිං (Xi Jinping) BRICS (බ්‍රික්ස්) රාජ්‍ය සමූහයේ කාර්යභාරය සහ ද්විපාර්ශ්වික ව්‍යාපාරික අවස්ථා පිළිබඳව දුරකථනයෙන් සාකච්ඡා කළ බව ලූලාගේ කාර්යාලය සහ චීන රාජ්‍ය මාධ්‍ය වාර්තා කරයි.
එහිදී බහුපාර්ශ්විකත්වය ආරක්ෂා කිරීමේදී G20 සහ BRICS හි කාර්යභාරය පිළිබඳව ඔවුන් එකඟ වී ඇත. ජනාධිපතිවරුන් දෙදෙනාම ආර්ථිකයන් දෙක අතර නව ව්‍යාපාරික අවස්ථා හඳුනා ගැනීම දිගටම කරගෙන යාමට ඇති කැමැත්ත ද අවධාරණය කර ඇත.
චීන රාජ්‍ය මාධ්‍ය Xinhua වාර්තා කළේ, ගෝලීය දකුණේ (Global South) සම්මුතියක් ගොඩනැගීම සඳහා BRICS ප්‍රධාන වේදිකාවක් බව ෂී පැවසූ බවයි. තවද, ප්‍රධාන ගෝලීය දකුණු ජාතීන් අතර සමගියට සහ ස්වයංපෝෂිතභාවයට ආදර්ශයක් දීමට බ්‍රසීලය සමඟ වැඩ කිරීමට චීනය සූදානම් බව ඔහු පවසා ඇත.
ලෝකයේ විශාලතම සෝයා බෝංචි (soybean) ආනයනකරු වන චීනය, එම භාණ්ඩවලින් වැඩි ප්‍රමාණයක් බ්‍රසීලයෙන් ලබා ගන්නා අතර, මෑතකදී බ්‍රසීලියානු කෝපි සමාගම් රැසක් ඇමරිකානු තීරුබදුවලින් දැඩි ලෙස පීඩාවට පත් වීමෙන් පසු චීන වෙළඳපොළට ඇතුළු විය.
උපුටා ගැනීම: සියළු තොරතුරු Reuters ඇසුරෙනි.
