අමෙරිකානු වාණිජ මණ්ඩලය විසින් කරන ලද සමීක්ෂණයකට අනුව, චීනයේ ව්‍යාපාර කරන ඇමරිකානු සමාගම් පසුගිය කාර්තු සියවසක කාලය තුළ අවම අපේක්ෂාවන් වාර්තා කර ඇත.
ෂැංහයි හි ඇමරිකානු වාණිජ මණ්ඩලය (AmCham Shanghai) විසින් නිකුත් කරන ලද සමීක්ෂණයට අනුව, චීනයේ ඉදිරි වසර පහ සඳහා වූ ව්‍යාපාරික අපේක්ෂාවන් පිළිබඳව 41% ක් පමණක් ශුභවාදීව සිටින බව අනාවරණය වී ඇත. මෙය 2024 වසරේ වාර්තා වූ 47%ට වඩා අඩු වන අතර, AmCham Shanghai 1999 දී සිය වාර්ෂික ව්‍යාපාරික වාර්තාව නිකුත් කිරීම ආරම්භ කළ දා සිට වාර්තා වූ අඩුම අගයයි.
ප්‍රතිචාර දැක්වූවන්ගෙන් 45% ක් පමණක් 2025 දී ආදායම වැඩි වනු ඇතැයි අපේක්ෂා කරන බව AmCham Shanghai සඳහන් කර ඇත. එය යථාර්ථයක් වුවහොත්, වාර්තාගත අඩු අගයක් වනු ඇත. වාණිජ මණ්ඩලයට අනුව, ප්‍රතිචාර දැක්වූවන්ගෙන් 12% ක් පමණක් චීනය තම මූලස්ථානයේ ප්‍රධාන ආයෝජන ගමනාන්තය ලෙස නම් කර ඇති අතර, එයද සමීක්ෂණ ඉතිහාසයේ අඩුම අගයයි.
ප්‍රතිචාර දැක්වූවන්ගෙන් අඩකට ආසන්න පිරිසක් චීන භාණ්ඩ සඳහා වූ සියලුම ඇමරිකානු තීරුබදු ඉවත් කරන ලෙස ඉල්ලා සිටි අතර, 42% ක් ඇමරිකානු නිෂ්පාදන සඳහා වූ චීන තීරුබදු ඉවත් කිරීමට සහාය පළ කර ඇත. ප්‍රතිචාර දැක්වූවන්ගෙන් 70% කට වැඩි පිරිසක් 2024 දී ලාභ ලැබූ බව ප්‍රකාශ කළ අතර, එය 2023 දී වාර්තාගත අඩු අගයක් වූ 66% ට සාපේක්ෂව ඉහළ යාමකි.
චීනයේ මන්දගාමී ආර්ථිකය, ඇමරිකානු ජනාධිපති ඩොනල්ඩ් ට්‍රම්ප්ගේ වෙළඳ යුද්ධය, දුර්වල පරිභෝජනය සහ වසර ගණනාවක් පුරා පවතින දේපල වෙළඳාම් අවපාතය වැනි අභියෝග රැසකට මුහුණ දී සිටියදී මෙම නවතම ව්‍යාපාරික අපේක්ෂාව පිළිබඳ සමීක්ෂණය නිකුත් විය.
උපුටා ගැනීම: සියළු තොරතුරු ALJAZEERA ඇසුරෙනි.
