ළමුන් සමඟ “උත්තේජනීය” (sensual) සහ “ආදරණීය” (romantic) සංවාද පැවැත්වීමට මෙටා (Meta) සමාගමේ කෘත්‍රිම බුද්ධියට (AI) අවසර දී ඇති බවට වාර්තා වීමෙන් පසු, එක්සත් ජනපද සෙනෙට් සභිකයෙකු එම සමාගම සම්බන්ධයෙන් පරීක්ෂණයක් ආරම්භ කර තිබෙනවා.
රිපබ්ලිකන් සෙනෙට් සභික ජොෂ් හව්ලි (Josh Hawley) මෙම ලේඛනය පිළිකුල් සහගත හා කෝපයට පත් කරවනසුලු ලෙස හඳුන්වා ඇති අතර, එයට අදාළ නිෂ්පාදන ලැයිස්තුවක් සමඟින් එම ලේඛනය ලබා දෙන ලෙස ඉල්ලා තිබෙනවා.
මෙටා සමාගමේ ප්‍රකාශකයෙකු පවසා ඇත්තේ, ප්‍රශ්නගත උදාහරණ සහ සටහන් වැරදි සහ අපගේ ප්‍රතිපත්තිවලට නොගැලපෙන ඒවා වන අතර, ඒවා ඉවත් කර ඇති බවයි. ඔවුන් පවසා ඇත්තේ, තම සමාගමේ AI චැට්බෝට්වලට (chatbots) ලබා දිය හැකි ප්‍රතිචාර පිළිබඳව පැහැදිලි ප්‍රතිපත්ති ඇති බවත්, ළමුන් ලිංගිකත්වය සඳහා යොදා ගන්නා අන්තර්ගතයන් සහ වැඩිහිටියන් හා බාලවයස්කරුවන් අතර ලිංගික ක්‍රියා සඳහා වූ භූමිකාව තම ප්‍රතිපත්තිවලින් තහනම් කරන බවත්ය.
උපුටා ගැනීම: සියළු තොරතුරු BBC ඇසුරෙනි.
