තායි සහ කාම්බෝජ හමුදා ආරවුල් සහගත දේශසීමා ප්‍රදේශයක ගැටීමෙන් අවම වශයෙන් තායි ජාතිකයින් 12 දෙනෙකු මියගොස් ඇති අතර, ඔවුන්ගෙන් බහුතරයක් සිවිල් වැසියන් බව සදහන් වේ.
කාම්බෝජයට චෝදනා එල්ල වී ඇත්තේ, තායි ගම්මානයකට රොකට් ප්‍රහාර එල්ල කිරීම සහ රෝහලකට පහර දීම සම්බන්ධයෙන් වන අතර, තායිලන්තය කාම්බෝජ හමුදා ඉලක්ක වෙත ගුවන් ප්‍රහාර එල්ල කර තිබෙනවා.
තම පුරවැසියන් සියලු දෙනාටම කාම්බෝජයෙන් පිටවන ලෙස දැනුම් දීමෙන් පසු, තායිලන්තය කාම්බෝජය සමඟ ඇති සමස්ත දේශසීමාවම වසා දමා ඇත. කාම්බෝජය බැංකොක් (Bangkok) සමඟ ඇති සබඳතා අවම කර ඇති අතර, ඔවුන් තායිලන්තයට අධික බලය භාවිතා කිරීම සම්බන්ධයෙන් චෝදනා කරයි.
මෙම සටන්, අග්නිදිග ආසියානු අසල්වැසි රටවල් දෙක අතර දීර්ඝ කාලයක් තිස්සේ පැවති ආරවුලක් උග්‍රවීමක් සනිටුහන් කරයි. මෙය පූර්ණ පරිමාණ යුද්ධයක් දක්වා වර්ධනය වනු ඇතැයි කිසිවෙකු නොසිතුවද, දැනට මෙම ගැටුමෙන් පසුබැසීමට දෙරටේම නායකත්වයක් නොමැති බව වාර්තා වේ.
උපුටා ගැනීම: සියළු තොරතුරු BBC ඇසුරෙනි.
