සටන් විරාම ගිවිසුමේ කොටසක් ලෙස, හමාස් (Hamas) සංවිධානය විසින් ගාසා තීරයේ රඳවා සිටි ජීවතුන් අතර සිටි ඊශ්‍රායල ප්‍රාණ ඇපකරුවන් 20 දෙනාම නිදහස් කර ඇත. ගිවිසුමේ කොටසක් ලෙස ඊශ්‍රායල සිරගෙවල්වලින් පුද්ගලයන් 2,000කට ආසන්න පිරිසක් නිදහස් කරන තෙක් ගාසා තීරයේ පලස්තීනුවෝ බලා සිටිති.
එක්සත් ජනපද ජනාධිපති ඩොනල්ඩ් ට්‍රම්ප් (Donald Trump) ඊශ්‍රායලයට පැමිණ ඇති අතර, එහිදී ඔහු ඊශ්‍රායල පාර්ලිමේන්තුව (Knesset) ඇමතීමට නියමිතය. ඉන් අනතුරුව, ඔහු මෙම ගිවිසුම සම්බන්ධයෙන් වන ජාත්‍යන්තර සමුළුවක සම සභාපතිත්වය දැරීම සඳහා ඊජිප්තුවට (ෂාම් එල්-ෂීක් වෙත) යෑමට නියමිතය. ඊජිප්තු ජනාධිපති කාර්යාලය පවසන පරිදි, ඊශ්‍රායල අගමැති බෙන්ජමින් නෙතන්යාහු (Benjamin Netanyahu) ද මෙම ෂාම් එල්-ෂීක් සමුළුවට සහභාගී වනු ඇත.
වර්තමානයේදී, අත්‍යවශ්‍ය මානුෂීය ආධාර ගාසා තීරයට ඇතුළු වීමට පටන් ගෙන ඇති අතර, පලස්තීනුවෝ උතුරු ගාසා තීරයේ ඉතිරිව ඇති ඔවුන්ගේ නිවෙස් වෙත ආපසු යමින් සිටිති.
උපුටා ගැනීම: සියළු තොරතුරු ALJAZEERA ඇසුරෙනි.
