ජනාධිපති ට්‍රම්ප්ගේ අගෝස්තු 1 වනදා දක්වා වන නියමිත කාලසීමාවට පෙර වොෂින්ටනය සමඟ වෙළඳ ගිවිසුමකට එළඹීමේ බලාපොරොත්තුවෙන්, ඇමරිකානු නිෂ්පාදන සඳහා නව තීරුබදු පැනවීම යුරෝපා සංගමය විසින් කල් දමා තිබේ. යුරෝපා කොමිෂන් සභාවේ සභාපතිනි උර්සුලා වොන් ඩර් ලේයර් (Ursula von der Leyen) ප්‍රකාශ කළේ, සාමකාමී ගිවිසුමකට එළඹීමට යුරෝපා සංගමය තවමත් කැමති වුවද, අවශ්‍ය වුවහොත් ක්‍රියාමාර්ග ගැනීමට සූදානම් බවයි.
ට්‍රම්ප් මීට පෙර නිවේදනය කළේ ලබන මාසයේ සිට යුරෝපීය සහ මෙක්සිකානු භාණ්ඩ සඳහා 30% ක තීරුබදු පැනවීමටයි. ඊට ප්‍රතිචාර වශයෙන්, ඇමරිකානු අපනයන වටිනාකම ඩොලර් බිලියන 30 ක් සඳහා තීරුබදු පැනවීමට යුරෝපා සංගමය සැලසුම් කර තිබුණද, එය තාවකාලිකව අත්හිටුවා ඇත.
සාකච්ඡා දැනටමත් සිදුවෙමින් පවතින අතර, ඉදිරි ක්‍රියාමාර්ග තීරණය කිරීම සඳහා යුරෝපා සංගමයේ අමාත්‍යවරුන් රැස්වීමට නියමිතය. ඇමරිකා එක්සත් ජනපදය සහ යුරෝපා සංගමය ප්‍රධාන වෙළඳ හවුල්කරුවන් වන අතර, 2024 දී ඔවුන් අතර වෙළඳාම ඩොලර් ට්‍රිලියන 2 ක් දක්වා ළඟා වී ඇත.
උපුටා ගැනීම: සියළු තොරතුරු ALJAZEERA ඇසුරෙනි.
