ස්පාඤ්ඤ ‘ලා ලිගා’ (La Liga) පාපන්දු තරගාවලියේ පෙරළිකාර සිදුවීමක් සනිටුහන් කරමින්, ඉරිදා දින පැවති තරගයෙන් Sevilla කණ්ඩායම විසින් වත්මන් ශූරයන් වන කණ්ඩායම ගෝල 4-1 ක් ලෙස පරාජය කරන ලදී. මෙම අනපේක්ෂිත පරාජය හේතුවෙන්, තරගාවලියේ අපරාජිතව සිටි Barcelona කණ්ඩායමට ප්‍රසාද ලකුණු සටහනේ නැවතත් පෙරමුණට පැමිණීමේ අවස්ථාව අහිමි විය.
වසර 2015 න් පසු ලීග් තරගයකදී Sevilla කණ්ඩායම විසින් Barcelona පරාජය කළ පළමු අවස්ථාව මෙය වීමද විශේෂත්වයකි. මෙම විශිෂ්ට ජයග්‍රහණයත් සමඟම, අන්ඩලූසියානු සමාජය වන Sevilla කණ්ඩායම, තරග 8 කින් ලකුණු 13 ක් ලබා ගනිමින් ප්‍රසාද ලකුණු සටහනේ 6 වන ස්ථානය දක්වා ඉහළට පැමිණියේය. මේ අතර Barcelona කණ්ඩායම ලකුණු 19 ක් ලබා ගනිමින් දෙවන ස්ථානයේම රැඳී සිටින අතර, ඔවුන් ප්‍රමුඛයා වන රියල් මැඩ්රිඩ් (Real Madrid) කණ්ඩායමට වඩා ලකුණු දෙකක් පිටුපසින් සිටී.
Barcelona කණ්ඩායම තරගය ආරම්භයේ සිටම අලස ක්‍රීඩා රටාවක් දක්වා ඇති අතර, පළමු පැය භාගය තුළ ඔවුන්ට ඉලක්කගත පහරක් එල්ල කිරීමට පවා නොහැකි වී ඇත. Sevilla කණ්ඩායම ආරම්භයේ සිටම දිගු පන්දු යවමින් ඇලෙක්සිස් සැන්චෙස් හරහා දැඩි ප්‍රහාර එල්ල කරමින් උද්වේගකාරී ලෙස ක්‍රීඩා කර ඇත.
උපුටා ගැනීම: සියළු තොරතුරු ALJAZEERA ඇසුරෙනි.
