රුසියානු ඩ්‍රෝන (drones) සහ මිසයිල ප්‍රහාර මාලාවක් කියෙව් (Kyiv) නගරයේ දිස්ත්‍රික්ක කිහිපයකට ප්‍රහාර එල්ල කිරීමෙන් මහල් නිවාසයක් කඩා වැටී අට දෙනෙකු මිය ගොස් 130 කට වැඩි පිරිසක් තුවාල ලබා ඇති බව යුක්‍රේන (Ukraine) නිලධාරීන් පවසනවා.
මෙම ප්‍රහාරයෙන් තුවාල ලැබූවන් අතර ළමුන් 12 දෙනෙකු සිටින බව නගරාධිපති විටාලි ක්ලිට්ස්කෝ (Vitali Klitschko) පැවසුවා. පූර්ණ පරිමාණ යුද්ධය ආරම්භ වූ දා සිට එක රැයකින් කියෙව්හි තුවාල ලැබූ වැඩිම ළමුන් සංඛ්‍යාව මෙයයි.
අගෝස්තු 8 වනදා වන විට ව්ලැඩිමීර් පුටින් (Vladimir Putin) සටන් විරාමයකට එකඟ නොවන්නේ නම්, මොස්කව් (Moscow) වෙත දැඩි සම්බාධක පනවන බවට එක්සත් ජනපද ජනාධිපති ඩොනල්ඩ් ට්‍රම්ප් (Donald Trump) ප්‍රකාශ කර තිබුණද, රුසියානු ප්‍රහාර දිගටම සිදුව ඇත.
යුක්‍රේන ගුවන් හමුදාවට අනුව, රුසියාව රාත්‍රියේ ඩ්‍රෝන 309ක් සහ කෲස් මිසයිල (cruise missiles) අටක් දියත් කර තිබෙනවා. නිලධාරීන් පවසන්නේ, ගුවන් ආරක්ෂක පද්ධතිවලට ඒවායින් බොහොමයක් විනාශ කිරීමට හැකි වුවද, කෲස් මිසයිල ඇතුළු ප්‍රහාර රැසක් ඉලක්ක වෙත එල්ල වූ බවයි.
උපුටා ගැනීම: සියළු තොරතුරු BBC ඇසුරෙනි.
