මියන්මාරයේ (Myanmar) හමුදා රජය, දිගු කලක් පොරොන්දු වූ මැතිවරණය දෙසැම්බර් 28 වැනිදා ආරම්භ කරන බව නිවේදනය කර තිබෙනවා. කෙසේ වෙතත්, බලධාරීන් නිදහස් හා සාධාරණ ඡන්දයක් පැවැත්වීමට ඉඩ දේවිද යන්න පිළිබඳව පුළුල් සැකයක් මතුව ඇත.
යුනියන් මැතිවරණ කොමිසම (Union Election Commission) පවසා ඇත්තේ, මෙම මැතිවරණය පියවරෙන් පියවර පැවැත්වෙන මහ මැතිවරණයේ පළමු අදියර වනු ඇති බවයි. “මැතිවරණයේ ඉදිරි පියවර සඳහා තවත් දින ඒ අනුව ප්‍රකාශයට පත් කරනු ඇත,” යනුවෙන් මැතිවරණ කොමිසම පවසා ඇත.
රාජ්‍ය මාධ්‍ය පවසා ඇත්තේ, පක්ෂ 55ක් පමණ ඡන්ද විමසීම සඳහා ලියාපදිංචි වී ඇති අතර, ඉන් නවයක් ජාතික මට්ටමින් තරඟ කරන බවයි.
මින් අවුන්ග් හ්ලයිං (Min Aung Hlaing) විසින් නායකත්වය දෙන මියන්මාරයේ හමුදා පාලනය, දෙසැම්බර් සහ ජනවාරි මාසවල මැතිවරණයට සූදානම් වීම සඳහා පසුගිය මාසයේ රටේ සමහර ප්‍රදේශ සඳහා වූ හදිසි තත්ත්වය (state of emergency) අවසන් කරන බව ප්‍රකාශ කිරීමෙන් පසුව මෙම නිවේදනය නිකුත් කර තිබෙනවා.
මින් අවුන්ග් හ්ලයිංගේ පාලනය, 2021 කුමන්ත්‍රණයකින් (coup) ඕන්ග් සාන් සූ කී (Aung San Suu Kyi) ගේ ප්‍රජාතන්ත්‍රවාදීව තේරී පත් වූ රජය ඉවත් කිරීමෙන් පසු මියන්මාරයේ හදිසි පාලනයක් පැනවීය. ජාතික ප්‍රජාතන්ත්‍රවාදය සඳහා වූ ලීගය අති විශිෂ්ට ජයග්‍රහණයක් ලබා ගැනීමෙන් පසුව, හමුදාව ඡන්දයට පුළුල් වංචාවක් සිදුවූ බවට චෝදනා කළ අතර, ඕන්ග් සාන් සූ කී සහ තවත් බොහෝ ප්‍රජාතන්ත්‍රවාදීව තේරී පත් වූ නායකයින් අත්අඩංගුවට ගනු ලැබීය.
උපුටා ගැනීම: සියළු තොරතුරු ALJAZEERA ඇසුරෙනි.
