චීනය තම පරිභෝජනයට වඩා වැඩි බොරතෙල් ප්‍රමාණයක් එක්රැස් කරමින් විශාල තෙල් තොගයක් ගොඩනගා ගනිමින් සිටින බව වාර්තා වේ.
මැයි මාසයේදී, එම රට පිරිපහදු කළ ප්‍රමාණයට වඩා දිනකට තෙල් බැරල් මිලියන 1.4ක් වැඩිපුර සතුව තිබී ඇති අතර මෙලෙස විශාල අතිරික්තයක් වාර්තා වූ තුන්වන අඛණ්ඩ මාසය මෙයයි.
මෙම අමතර තෙල් තොග නිසා චීනයට මැදපෙරදිග ආතතීන් හේතුවෙන් ඉදිරියේදී තෙල් මිල ඉහළ මට්ටමක පැවතුනහොත් අඩුවෙන් තෙල් මිලදී ගැනීමට මෙයින් හැකි වනු ඇත.
තෙල් ගබඩා කර ඇති ප්‍රමාණය චීනය නිල වශයෙන් වාර්තා නොකරන නමුත්, පවතින දත්ත මත පදනම්ව, මෙම අතිරික්තයෙන් වැඩි ප්‍රමාණයක් ගබඩා කර ඇති බවට විශ්වාස කෙරේ.
මිල ගණන් දිගටම ඉහළ ගියහොත්, චීනයට අගෝස්තු මාසයේ සිට තෙල් ආනයනයන් අඩු කර ගබඩා කර ඇති තෙල් මත රඳා සිටීමට හැක. මෙය ගෝලීය තෙල් මිල ඉහළ යාම මන්දගාමී කිරීමටද උපකාරී වනු ඇත.
ජුනි 13 වන දින ඊශ්‍රායලය ඉරානයට ප්‍රහාර එල්ල කිරීමෙන් පසුව සහ ඉරානය ඩ්‍රෝන සහ මිසයිල මගින් ප්‍රතිචාර දැක්වීමෙන් පසුව තෙල් මිල ඉහළ යාමට පටන් ගත් අතර ඉරානයේ තෙල් අපනයනයට තවමත් බලපෑමක් සිදු වී නොමැති වුවද, අවදානම හේතුවෙන් මිල ගණන් 6% කින් පමණ ඉහළ ගොස් ඇත.
උපුටා ගැනීම: සියළු තොරතුරු Reuters අනුග්‍රහයෙනි.
