මාරාන්තික පිළිකා වර්ග කිහිපයක පැවැත්මේ අනුපාතය වැඩිදියුණු වී නැහැ – විශේෂඥයින් පවසයි

පසුගිය වසර 50 තුළ පිළිකා රෝගීන්ගේ පැවැත්මේ අනුපාතය (survival rates) විශාල ලෙස වැඩිදියුණු වී ඇතත්, වැඩිම මරණ අනුපාතයක් ඇති ඇතැම් පිළිකා වර්ගවල එම ප්‍රගතිය අසමාන බව විශේෂඥයෝ අනතුරු අඟවති.

මෙලනෝමා සමේ පිළිකා (melanoma skin cancer) වැනි සමහර පිළිකා සඳහා, එංගලන්තයේ සහ වේල්සයේ (England and Wales) වසර 10ක පැවැත්මේ අනුපාතය දැන් 90% ඉක්මවා ඇති අතර, සමස්තයක් ලෙස සියලුම පිළිකා සඳහා එම අනුපාතය 1970 දශකයේ මුල් භාගයේ පැවති ප්‍රමාණය මෙන් දෙගුණයක් වී ඇත.

කෙසේ වෙතත්, ලන්ඩන් සෞඛ්‍ය හා නිවර්තන වෛද්‍ය විද්‍යාලයේ (London School of Hygiene and Tropical Medicine) අධ්‍යයනයකට අනුව, අන්නසෝත්‍රය (oesophagus), ආමාශය (stomach) සහ පෙනහළු (lungs) යන අවයවවලට බලපාන පිළිකා සඳහා සුළු වැඩිදියුණුවක් සිදු වී ඇති බවත්, අග්න්‍යාශ පිළිකාවෙන් (pancreatic cancer) වසර 10ක් ජීවත් වන්නේ 5%කටත් අඩු ප්‍රමාණයක් බවත් පවසා ඇත.

නව උපායමාර්ගයක් සමඟින් වැඩි ප්‍රගතියක් ලබා ගැනීමට රජය කැපවී සිටින බව එරට රජය පවසා ඇත. පර්යේෂකයින් පැවසුවේ, බොහෝ පිළිකා සඳහා පැවැත්මේ අනුපාත වැඩිදියුණු කිරීමට හේතුව ප්‍රතිකාරවල දියුණුව සහ කලින් රෝගය හඳුනා ගැනීම බවයි.