‘බෝඩ්මාස්ටර්ස්’ (Boardmasters) උළෙලෙන් මතභේදාත්මක පන්ක්-රැප් (punk-rap) සංගීත කණ්ඩායමක් වන බොබ් වයිලාන් (Bob Vylan) ඉවත් කරන ලෙස සිය ගණනක් ජනතාව කෝන්වෝල් (Cornwall) ප්‍රාදේශීය සභා මන්ත්‍රීවරුන්ගෙන් ඉල්ලා තිබෙනවා.
බොබ් වයිලාන් සංගීත කණ්ඩායම මතභේදයට තුඩු දුන්නේ, ජූනි මාසයේ ග්ලාස්ටන්බරි (Glastonbury) උළෙලේදී රූපවාහිනියෙන් විකාශය වූ ඔවුන්ගේ ප්‍රසංගයක් අතරතුර, ඊශ්‍රායල හමුදාවට (Israeli military) එරෙහිව සටන් පාඨ කියමින් ප්‍රචාරණයක් දියත් කිරීමෙන් පසුවයි.
මහජන පැමිණිල්ලකින් පසුව බලපත්‍ර නිකුත් කිරීමේ විභාගයක් පැවැත්වීමට කෝන්වෝල් ප්‍රාදේශීය සභාව එකඟ වී ඇති නමුත්, එය අගෝස්තු 10 වන දින නිව්කේ (Newquay) උළෙලට සංගීත කණ්ඩායම පැමිණීමෙන් පසුව පැවැත්වීමට නියමිත වේ.ප්‍රාදේශීය සභා මන්ත්‍රී ඩල්සි ටියුඩර් (Dulcie Tudor) පවසන පරිදි, මේ වන විට සංවිධානාත්මක ව්‍යාපාරයක් හරහා පැමිණිලි 300කට ආසන්න ප්‍රමාණයක් ලැබී ඇති අතර, බොහෝ ඒවා ප්‍රාන්තයෙන් පිටතින් ලැබී ඇති බවද වාර්තා වේ.
බලපත්‍ර විභාගය කඩිනම් කරන ලෙස සභාවට පීඩනයක් එල්ල වුවද, දින 20ක උපදේශන කාලය ඇතුළු බලපත්‍ර විභාග රෙගුලාසි හේතුවෙන් එය එසේ කිරීමට නොහැකි වූ බව ප්‍රාදේශීය සභාව පවසා ඇත.
උපුටා ගැනීම: සියළු තොරතුරු BBC ඇසුරෙනි.
