ඕස්ට්‍රේලියාවේ වික්ටෝරියා ප්‍රාන්තයේ, බ්‍රිතාන්‍ය යටත් විජිතවාදීන් එම ප්‍රාන්තයේ ස්වදේශික ජනතාවට එරෙහිව ජන සංහාරයක් සිදු කළ බවට, ස්වදේශික ප්‍රජාව විසින් මෙහෙයවන ලද සුවිශේෂී විමර්ශනයකින් හෙළි වී තිබෙනවා.
යෝරූක් යුක්ති කොමිසම (Yoorrook Justice Commission) සොයාගෙන ඇත්තේ, 1830 ගණන්වල මුල් භාගයේදී වික්ටෝරියා ප්‍රාන්තය යටත් විජිතකරණයෙන් පසු වසර 20ක් ඇතුළත ප්‍රචණ්ඩත්වය සහ රෝගාබාධ හේතුවෙන් ප්‍රාදේශීය ස්වදේශික ජනගහනයෙන් හතරෙන් තුනකින් අඩු වී ඇති බවයි.
2021 දී ඕස්ට්‍රේලියාවේ පිහිටුවන ලද මෙම කොමිසමට, ප්‍රාන්තයේ ස්වදේශික ජනතාව විසින් අතීතයේ සහ වර්තමානයේ අත්විඳින ලද පද්ධතිමය අසාධාරණයන් පරීක්ෂා කිරීමේ කාර්යය පැවරී තිබුණා. මෙය ආදිවාසී සහ ටොරස් සමුද්‍ර සන්ධි දූපත්වාසී ජනතාව සමඟ ඕස්ට්‍රේලියාවට සංහිඳියා ක්‍රියාවලියකට එළඹීම සඳහා වන පුළුල් ජාතික උත්සාහයක කොටසකි. ප්‍රජා නායකයින් පවසන්නේ, මෙම ක්‍රියාවලියට ජාතියේ ඉතිහාසය පිළිබඳ විමර්ශන, ගිවිසුම් ඇති කර ගැනීම සහ පළමු ජාතීන්ගේ ජනතාවට වැඩි දේශපාලන බලයක් ලබා දීම ඇතුළත් විය යුතු බවයි.
වසර හතරක් පුරා පැවති යෝරූක් යුක්ති කොමිසම, ආදිවාසී සහ ටොරස් සමුද්‍ර සන්ධි දූපත්වාසී ජනතාවට ඔවුන්ගේ කථා සහ අත්දැකීම් විධිමත්ව බෙදා ගැනීමට අවස්ථාව ලබා දී ඇත.
උපුටා ගැනීම: සියළු තොරතුරු BBC ඇසුරෙනි.
