ප්‍රධාන වශයෙන් සංවර්ධනය වෙමින් පවතින රටවල නායකයන්, බටහිර ආධිපත්‍යය පිළිබඳ ඔවුන් පවසන මතයන් මධ්‍යයේ සහයෝගීතාව වැඩි දියුණු කිරීමේ ක්‍රම පිළිබඳව බ්‍රසීලයේ රියෝ ද ජනෙයිරෝ හිදී අද (ජූලි 06) ආරම්භ වන ඔවුන්ගේ දෙදින සමුළුවේදී සාකච්ඡා කරනු ඇත.
BRICS යන කෙටි යෙදුම ආරම්භක සාමාජික රටවල් වන බ්‍රසීලය, රුසියාව, ඉන්දියාව, චීනය සහ දකුණු අප්‍රිකාවේ මුල් අකුරු වලින් ව්‍යුත්පන්න වී ඇත. 2009 දී සිය පළමු සමුළුව පැවැත්වූ මෙම කණ්ඩායමට පසුව ඊජිප්තුව, ඉතියෝපියාව, ඉන්දුනීසියාව, ඉරානය, සෞදි අරාබිය සහ එක්සත් අරාබි එමීර් රාජ්‍යය පූර්ණ සාමාජිකයින් ලෙස එක් විය. ඊට අමතරව, බෙලරුස්, කියුබාව සහ වියට්නාමය ඇතුළු උපායමාර්ගික හවුල්කාර රටවල් 10ක් ද පසුගිය වසරේදී එකතු විය.
කෙසේ වෙතත්, චීන ජනාධිපති ෂී ජින්පින් (Xi Jinping) 2012 දී බලයට පත්වීමෙන් පසු ප්‍රථම වතාවට සමුළුවට පෞද්ගලිකව සහභාගී නොවනු ඇති බව වාර්තා වන අතර, ඒ වෙනුවට අගමැති ලී ක්වියාං (Li Qiang) සහභාගී වනු ඇත.
එසේම, රුසියානු ජනාධිපති ව්ලැඩිමීර් පුටින් (Vladimir Putin) ද පෞද්ගලිකව සහභාගී වීමෙන් වැළකී සිටින බව වාර්තා වේ. ඒ 2022 යුක්රේන ආක්‍රමණයට ඔහුගේ භූමිකාව හේතුවෙන් ජාත්‍යන්තර අපරාධ අධිකරණය (ICC) ඔහුට වරෙන්තු නිකුත් කර ඇති බැවිනි. රෝම ප්‍රඥප්තියට අත්සන් තැබූ රටක් ලෙස බ්‍රසීලයට අත්අඩංගුවට ගැනීමේ වරෙන්තුව ක්‍රියාත්මක කිරීමට සිදුවනු ඇත.
උපුටා ගැනීම: සියළු තොරතුරු ALJAZEERA ඇසුරෙනි.
