බර අඩු කිරීමේ ඖෂධයක් (weight-loss drug) වන Mounjaro සඳහා පෞද්ගලිකව මුදල් ගෙවන එක්සත් රාජධානියේ (UK) පුද්ගලයන්ට, එම ඖෂධයේ නිෂ්පාදකයා වන එලී ලිලී (Eli Lilly) සමාගම එහි මිල 170%කින් ඉහළ දැමීමට නියමිත බව නිවේදනය කර තිබෙනවා.
ඒ අනුව, ඖෂධයේ වැඩිම මාත්‍රාවක් (highest dose) සඳහා මාසයකට නිර්දේශිත මිල පවුම් 122 සිට පවුම් 330 දක්වා ඉහළ යනු ඇත. කෙසේ වෙතත්, අඩු මාත්‍රා සඳහා මිල වැඩිවීම ඊට වඩා අඩු වනු ඇත.
තවදුරටත්, මෙම ඖෂධය අලෙවි කරන සිල්ලර වෙළෙන්දන්ට (retailers) නිර්දේශිත මිලට වට්ටම් සාකච්ඡා කිරීමට හැකි විය හැකි නිසා, පාරිභෝගිකයින්ට ඇතිවන බලපෑම සීමා විය හැකිය. මෙම මිල වැඩිවීම NHS (National Health Service) ගෙවන මිලට බලපාන්නේ නැත, මන්ද එම සේවාව මගින් බෙහෙත් වට්ටෝරුවක් මත ඖෂධ ලබා ගන්නා අයට විශාල වට්ටමක් සාකච්ඡා කර ඇත.
සතියකට වරක් ලබා දෙන මෙම එන්නත, පිරුණු බවක් දැනවීමට ක්‍රියා කරන අතර, එමගින් ආහාර ගැනීම අඩු වී ශරීර බර 20%කින් අඩු කර ගැනීමට උපකාරී වේ.
දැනට එක්සත් රාජධානියේ බර අඩු කිරීමේ ඖෂධ භාවිතා කරන 1.5ක් පමණ පිරිසක් සිටින බවට විශ්වාස කරන අතර, ඔවුන්ගෙන් අඩකට වඩා භාවිතා කරන්නේ Mounjaro ඖෂධයයි. මෙම ඖෂධ පෞද්ගලිකව මිල දී ගන්නේ, අන්තර්ජාල සේවා සහ ෆාමසිවලින් බවට ඇස්තමේන්තු අනුව පෙනී යයි. අනෙකුත් යුරෝපා රටවල අය කරන මිලට වඩා සැලකිය යුතු ලෙස අඩු මිලකට මෙම ඖෂධය එක්සත් රාජධානියේ අලෙවි කළ බව එලී ලිලී සමාගම පැවසීය.
උපුටා ගැනීම: සියළු තොරතුරු BBC ඇසුරෙනි.
