නේපාලයේ පැවති උණුසුම් විරෝධතා හේතුවෙන් පැරණි රජය බිඳ වැටීමෙන් පසු, හිටපු ශ්‍රේෂ්ඨාධිකරණයේ ප්‍රධාන විනිසුරු සුෂීලා කාර්කි, හිමාලයානු රාජ්‍යයේ රජයේ ප්‍රධානියා ලෙස පත් වූ පළමු කාන්තාව ලෙසත්, අන්තර්වාර අගමැති ලෙසත් සිකුරාදා (සැප්තැම්බර් 12) පත් කර ඇත.
නව අගමැතිවරියගේ නිර්දේශය මත ජනාධිපති රාම් චන්ද්‍ර පවුඩෙල් විසින් පාර්ලිමේන්තුව විසුරුවා හැර, මැතිවරණය සඳහා මාර්තු 5 දින නියම කර ඇති බව ජනාධිපති කාර්යාලය සිකුරාදා නිවේදනයක් නිකුත් කරමින් කියා ඇත.
ප්‍රධාන විනිසුරුවරිය ලෙස සේවය කරන අතරතුර රජයේ දූෂණයට එරෙහිව දැරූ ස්ථාවරය හේතුවෙන් කාර්කි ප්‍රසිද්ධියට පත් විය. සමහර මන්ත්‍රීවරුන් 2017 අප්‍රේල් මාසයේදී ඇයට එරෙහිව චෝදනා කරමින් ඇයව දෝෂාභියෝගයකට ලක් කිරීමට උත්සාහ කළද, එම උත්සාහය අසාර්ථක වූ අතර එය අධිකරණයට එල්ල කළ ප්‍රහාරයක් ලෙස විවේචනයට ලක් විය.
2016 සහ 2017 වසරවල අධිකරණයේ එකම කාන්තා ප්‍රධාන විනිසුරුවරිය ලෙස සේවය කරන අතරතුර ජනප්‍රිය චරිතයක් වූ 73 හැවිරිදි කාර්කි, සිකුරාදා ජනාධිපති නිල නිවසේ පැවති කුඩා උත්සවයකදී ජනාධිපතිවරයා ඉදිරියේ දිවුරුම් දී ඇත.
උපුටා ගැනීම: සියළු තොරතුරු CNA ඇසුරෙනි.
