එක්සත් රාජධානිය (UK) සහ ප්‍රංශය (France) අතර අලුතින් ඇති කරගත් ගිවිසුමක් යටතේ කුඩා බෝට්ටුවලින් පැමිණි පළමු සංක්‍රමණිකයා එංගලන්තයේ සිට ප්‍රංශයට පිටුවහල් කර තිබෙනවා. ඉන්දියානු ජාතිකයෙකු වන මෙම පුද්ගලයා එයාර් ප්‍රංශ (Air France) ගුවන් යානයකින් එක්සත් රාජධානියේ සිට පිටත් කර හැර ඇත.
මෙම සිදුවීම සිදු වී ඇත්තේ, කුඩා බෝට්ටු හරහා එංගලන්තයට පැමිණෙන පුද්ගලයින් අධෛර්යමත් කිරීමේ අරමුණින් එකකට එකක් හුවමාරු කිරීමේ වසරක නියමු යෝජනා ක්‍රමයක් සඳහා එක්සත් රාජධානිය සහ ප්‍රංශය එකඟ වී මාසයකට පසුවයි.
මේ අතර, තවත් සංක්‍රමණිකයෙකු, එරිත්‍රියානු ජාතිකයෙකු ප්‍රංශයට පිටුවහල් කිරීම තාවකාලිකව නැවැත්වීමට ගත් උත්සාහයක් මහාධිකරණය විසින් ප්‍රතික්ෂේප කර තිබෙනවා. මෙම නඩු තීන්දුවෙන් සිකුරාදා උදෑසන ගුවන් යානයක් පිටත් කර හැරීමට මග පෑදී තිබෙනවා.
මෙම වැඩපිළිවෙල යටතේ පළමු සංක්‍රමණිකයා පිටුවහල් කිරීම සම්බන්ධයෙන් අදහස් දක්වමින්, ස්වදේශ කටයුතු ලේකම් ෂබානා මහමුද් (Shabana Mahmood) පවසා ඇත්තේ, මෙය දේශසීමා ආරක්ෂා කිරීමට වැදගත් පළමු පියවරක් බවයි.
උපුටා ගැනීම: සියළු තොරතුරු BBC ඇසුරෙනි.
