ප්‍රසිද්ධ මෙනෙන්ඩෙස් සහෝදරයන් දෙදෙනාගෙන් බාලයා වන එරික් මෙනෙන්ඩෙස් (Erik Menendez), වසර 30කට පමණ පසු තම මව්පියන් ඝාතනය කිරීමේ චෝදනාවට සිරගතව සිටියදී නිදහස ඉල්ලා ඉදිරිපත් කළ ඇප ඉල්ලීම කැලිෆෝනියාවේ ඇප මණ්ඩලය විසින් ප්‍රතික්ෂේප කර තිබෙනවා.
බෙවර්ලි හිල්ස් හි (Beverly Hills) තම ධනවත් දෙමාපියන් වෙඩි තබා ඝාතනය කිරීම සම්බන්ධයෙන් 1989 දී වරදකරු වූ මෙම කුප්‍රකට සහෝදරයන් දෙදෙනා, මැයි මාසයේදී විනිසුරුවරයෙකු විසින් නැවත වරද තීරණය කිරීමෙන් පසු ඇප මත නිදහස් වීමට සුදුසුකම් ලැබූහ. අඟහරුවාදා පැවති පැය 10කට වැඩි කාලයක් පුරා ඇසූ සාක්ෂිවලට සවන් දුන් ඇප මණ්ඩල කොමසාරිස්වරයා වන රොබට් බාර්ටන් (Robert Barton) පවසා ඇත්තේ, එරික් තවමත් නිදහස් කිරීමට සූදානම් නැති බව තමා විශ්වාස කරන බවයි.
මෙම තීරණයට අනුව, එරික් මෙනෙන්ඩෙස්ට තවත් වසර තුනකින් පැවැත්වෙන නඩු විභාගයකදී නැවත ඇප ඉල්ලීමක් කිරීමට හැකියාව ඇත. ඔහුගේ සහෝදරයා වන ලයිල් (Lyle), සිකුරාදා (අගෝස්තු 22) ඇප ඇසීමකට මුහුණ දීමට නියමිත වේ.
උපුටා ගැනීම: සියළු තොරතුරු BBC ඇසුරෙනි.
