තම 90 වැනි උපන්දිනය සැමරීම වෙනුවෙන් පැවැත්වෙන උත්සව මධ්‍යයේ, 14 වැනි දලයි ලාමා වහන්සේ තහවුරු කර ඇත්තේ, ටිබෙට් බෞද්ධයන්ගේ අධ්‍යාත්මික නායකත්වය ලෙස දලයි ලාමා ධුරය අඛණ්ඩව පවත්වාගෙන යාමට තමන්ට අනුප්‍රාප්තිකයෙකු සිටින බවයි. ටිබෙටයේ අධ්‍යාත්මික සම්ප්‍රදායන්හි නායකයින්, ටිබෙට් පාර්ලිමේන්තුවේ සහ පිටුවහල් කරන ලද රජයේ සාමාජිකයින් මෙන්ම චීනය සහ ටිබෙටය ඇතුළු ලොව පුරා බෞද්ධයන් විසින් මෙම ආයතනය අඛණ්ඩව පවත්වාගෙන යන ලෙස ඉල්ලා තමන්ට ලිපි ලියා ඇති බව උන්වහන්සේ පවසා ඇත.
ලොව පුරා සිටින බෞද්ධ විද්වතුන් සහ පූජනීය භික්ෂූන් වහන්සේලා දලයි ලාමා වහන්සේ වාසය කරන ධර්මශාලා හි මැක්ලියෝඩ්ගන්ජ් (McLeodganj) නගරයට රැස්වී උන්වහන්සේගේ 90 වැනි උපන්දින සැමරුම් සඳහා සහභාගී වෙමින් සිටින අතරතුර මෙම ප්‍රකාශය නිකුත් කෙරුණා. ටිබෙට් බෞද්ධයන්ගේ පිටුවහල් කරන ලද අගනුවර ලෙස ද හැඳින්වෙන “කුඩා ලාසා” (Little Lhasa) ලෙසින් ද හැඳින්වෙන මෙම නගරයේ, දලයි ලාමා වහන්සේගේ ප්‍රධානත්වයෙන් තෙදිනක දැඩි ආගමික සමුළුවක් ද පැවැත්වීමට නියමිතයි.
නමුත් මෙම අවස්ථාව ආගමික එකක් පමණක් නොව, ඊළඟ දලයි ලාමා තෝරා ගන්නේ කෙසේද සහ කවුරුන් විසින් ද යන්න ගැඹුරු භූ දේශපාලනික වැදගත්කමක් දරයි. ශතවර්ෂ ගණනාවක් තිස්සේ, ටිබෙට් බෞද්ධ නායකයින් නව දලයි ලාමා කෙනෙකු තෝරාගෙන සිංහාසනාරූඪ කරනු ලබන්නේ වත්මන් දලයි ලාමා වහන්සේ අපවත්වීමෙන් පසු දැඩි සෙවීමකින් සහ අධ්‍යාපනය ලබා දීමෙන් පසුවයි. වත්මන් 14 වැනි දලයි ලාමා වහන්සේ ඉදිරි දිනවලදී තම අනුප්‍රාප්තිකයා තෝරා ගන්නා ආකාරය හෝ එය කවුරුන් විය හැකිද යන්න පිළිබඳව වැඩි විස්තර ලබා දෙන්නේ නම්, එය සම්ප්‍රදාය බිඳ දැමීමක් වනු
උපුටා ගැනීම: සියළු තොරතුරු ALJAZEERA ඇසුරෙනි.
