ට්‍රම්ප් විසින් ෆෙඩරල් රිසර්ව් ආණ්ඩුකාරවරියක වූ ලීසා කුක්ව ඉවත් කරයි

ජනාධිපති ඩොනල්ඩ් ට්‍රම්ප් (Donald Trump) විසින් ෆෙඩරල් රිසර්ව් (Federal Reserve) හි නිලධාරිනියක වන ලීසා කුක්ව (Lisa Cook) ඇගේ තනතුරෙන් වහාම ඉවත් කරන බව ප්‍රකාශ කර තිබෙනවා. මෙය එක්සත් ජනපද මහ බැංකුව (central bank) සමඟ ඇති ඔහුගේ අරගලයේ උත්සන්න වීමක් ලෙස සැලකේ.

ට්‍රම්ප් Truth Social හි පෝස්ට් එකක් මගින් කුක්ට යවන ලද ලිපියක් පළ කර ඇති අතර, එහිදී ඔහු ඇයව මහ බැංකුවේ ආණ්ඩුකාර මණ්ඩලයෙන් වහාම ඉවත් කිරීමට ගත් තීරණය පිළිබඳව දැනුම් දී තිබෙනවා. ඇය උකස් ගිවිසුම් (mortgage agreements) සම්බන්ධයෙන් අසත්‍ය ප්‍රකාශ කර ඇති බවට විශ්වාස කිරීමට ප්‍රමාණවත් හේතුවක් ඇති බව ඔහු පැවසූ අතර, ඇයව ඉවත් කිරීමට තමාට ඉඩ සලසන ආණ්ඩුක්‍රම ව්‍යවස්ථාමය බලතල ද උපුටා දක්වා ඇත.

ට්‍රම්ප්, විශේෂයෙන්ම එහි සභාපති ජෙරොම් පවෙල් (Jerome Powell) කෙරෙහි, පොලී අනුපාත අඩු කිරීමට මහ බැංකුව දක්වන අකමැත්ත සම්බන්ධයෙන් පසුගිය සති කිහිපය තුළ වැඩි පීඩනයක් එල්ල කර තිබුණා.

ආණ්ඩුකාරවරුන් හත් දෙනෙකුගෙන් යුත් මණ්ඩලයේ සාමාජිකාවක් වන සහ එම තනතුරට පත් වූ පළමු අප්‍රිකානු-ඇමරිකානු කාන්තාව වන කුක්ව සේවයෙන් පහ කිරීමට ගත් ඔහුගේ මෙම තීරණය, මහ බැංකුවේ වසර 111ක ඉතිහාසයේ පෙර නොවූ විරූ එකක් බව විශ්වාස කෙරේ.