චීනයේ පළමු ‘රොබෝ ඔලිම්පික්’ තරගාවලියේ මානව රොබෝවරු තියුණු තරගයක!

පළමු ලෝක මානව රොබෝ ක්‍රීඩා උළෙල (World Humanoid Robot Games), චීනයේ බීජිං (Beijing) නගරයේදී අවසන් වී තිබෙනවා. මෙම තරගාවලිය සඳහා, මීටර 100 ක කඩුලු පැනීම (100m hurdles) සහ කුං ෆු (kung fu) වැනි ක්‍රීඩා ඉසව් සඳහා, 500කට අධික මානව රොබෝවරු (humanoid robots) සහභාගී වූ අතර, ඔවුන් විශාල බලයක් පෙන්වමින් තරග වැදුණු බව වාර්තා වේ.

2022 ශීත ඍතු ඔලිම්පික් උළෙල (Winter Olympics) සඳහා ඉදිකරන ලද චීන අගනුවර පිහිටි ජාතික වේග ස්කේටිං ඕවල්හිදී (National Speed Skating Oval), රටවල් 16කින් රොබෝ කණ්ඩායම් 280ක් තරග කළහ. මලල ක්‍රීඩා සහ පැසිපන්දු වැනි සාම්ප්‍රදායික ක්‍රීඩා මෙන්ම, ඖෂධ වර්ගීකරණය සහ පිරිසිදු කිරීම වැනි ප්‍රායෝගික කාර්යයන් ද මෙම ඉසව්වලට ඇතුළත් විය.

කෙසේ වෙතත්, මීටර 1,500ක් (සැතපුම් 1කට ආසන්න) ධාවන තරඟයකදී, දේශීය ශූර යූනිට්‍රීගේ (Unitree) මානව රොබෝවරයා ආකර්ෂණීය වේගයකින් ධාවනය කළ අතර, එහි ප්‍රතිවාදීන් පහසුවෙන් අභිබවා ගියේය. වේගවත්ම රොබෝවරයා විනාඩි 6 තත්පර 29.37කින් තරඟය අවසන් කර ඇත. එය මිනිසුන්ගේ ලෝක වාර්තාව වන විනාඩි 3 තත්පර 26.00 ට වඩා බොහෝ දුරස් වේ.

දශක ගණනාවක් තිස්සේ රොබෝ තරඟ පැවැත්වී ඇතත්, 2025 ලෝක මානව රොබෝ ක්‍රීඩා උළෙල, මිනිස් සිරුරට සමාන රොබෝවරුන් කෙරෙහි විශේෂයෙන් අවධානය යොමු කළ පළමු තරඟාවලිය බව සංවිධායකයින් පවසා ඇත.