එක්සත් ජනපදයේ අභ්‍යවකාශ ඒජන්සිය (NASA) තම ආටෙමිස් (Artemis) වැඩසටහන යටතේ මිනිසුන් සහිත අභ්‍යවකාශ යානයක් චන්ද්‍රයා වටා ගමන් කර නැවත පැමිණීමේ මෙහෙයුමක් 2026 පෙබරවාරි මාසයේ දියත් කිරීමට සැලසුම් කරන බව නිවේදනය කර තිබේ.
ආටෙමිස් II (Artemis II) ලෙස නම් කර ඇති මෙම මෙහෙයුම, මුලින් 2026 අප්‍රේල් මාසයේදී සිදු කිරීමට සැලසුම් කර තිබුණි. දින 10ක ගුවන් ගමනක් වන අතර, එය මිනිසුන් රැගත් යානයක් චන්ද්‍රයා වටා ගමන් කර නැවත පැමිණීම අරමුණු කරයි. කෙසේ වෙතත්, මෙම මෙහෙයුමෙන් සඳ මතට ගොඩබසින්නේ නැත.
1972 වසරෙන් පසු අඩු පෘථිවි කක්ෂයෙන් ඔබ්බට ගමන් කරන පළමු මිනිසුන් මෙම මෙහෙයුමේ කාර්ය මණ්ඩලය වනු ඇත. මීට පෙර, 2022 නොවැම්බර් මාසයේදී ආටෙමිස් වැඩසටහනේ පළමු මෙහෙයුම ලෙස මිනිසුන් රහිත අභ්‍යවකාශ යානයක් සඳ වටා ගමන් කර නැවත පැමිණියේය.
ආටෙමිස් II මෙහෙයුම සඳහා NASA හි Space Launch System (SLS) රොකට්ටුව සහ ඔරියන් (Orion) අභ්‍යවකාශ කැප්සියුලය යොදා ගන්නා අතර, මෙම යානය මිනිසුන් සමඟ ගමන් කරන පළමු අවස්ථාව මෙය වනු ඇත. මෙය 2027 දී සිදු කිරීමට නියමිත, සඳ මතට ගොඩබසින වඩාත් අභිලාෂකාමී ආටෙමිස් III මෙහෙයුම සඳහා පූර්ව පුහුණුවක් ලෙස සැලකේ.
උපුටා ගැනීම: සියළු තොරතුරු ALJAZEERA ඇසුරෙනි.
