පාරිභෝගිකයන්ගේ, විශේෂයෙන්ම තරුණ පරම්පරාවේ රුචි අරුචිකම් වෙනස් වීම හේතුවෙන්, කොස්ටා (Costa) වැනි සාම්ප්‍රදායික කෝපි වෙළෙඳසැල් විශාල අර්බුදයකට මුහුණ දී සිටින බව වාර්තා වේ.
කොස්ටා හි හිමිකාරීත්වය දරන කොකා-කෝලා (Coca-Cola) සමාගම විසින් 2019 වසරේදී ගෙවූ අමෙරිකානු ඩොලර් බිලියන 4.9ක මුදලින් අඩකට පමණ සමාගම විකිණීමට බලාපොරොත්තු වන බවට විශ්ලේෂකයෙකු පවසා තිබෙනවා.
මෙම අර්බුදයට ප්‍රධාන හේතුව වී ඇත්තේ, තරුණ පරම්පරාව අතර පැරණි කෝපි වර්ග වෙනුවට නව ‘මැච්චා’ (Matcha) පාන වර්ග ජනප්‍රිය වීමයි. මෙලෙස ජනප්‍රිය වී ඇති ‘අයිස්ඩ් ස්ට්‍රෝබෙරි මැච්චා’ (iced strawberry matcha) වැනි පාන වර්ග කොස්ටා හි ලබා ගැනීමට නොමැති වීමද එහි ජනප්‍රියත්වයට බලපා ඇති බව පැවසේ.
කෙසේ වෙතත්, 2020 වසරේදී නිව් යෝර්ක්හි කුඩා කරත්තයක් ලෙස ආරම්භ කර, මේ වන විට ලන්ඩන්, මැන්චෙස්ටර්, බර්මින්හැම් සහ එඩින්බර්ග් පුරා ශාඛා පවත්වාගෙන යන බ්ලැන්ක් ස්ට්‍රීට් කෝෆී (Blank Street Coffee) නම් නව කෝපි වෙළෙඳසැල මෙම තරුණ පරම්පරාව ආකර්ෂණය කර ගෙන තිබෙන බව වාර්තා වේ. බ්ලැන්ක් ස්ට්‍රීට් හි ජනප්‍රියත්වය, එහි TikTok හි ඇති ආකර්ෂණය නිසා වර්ධනය වී ඇති අතර, එහි පාරිභෝගිකයන් සිසිල්වූ සහ අලංකාර කැෆේවලින් ඇණවුම් කරන වීඩියෝ පළ කරති.
උපුටා ගැනීම: සියළු තොරතුරු BBC ඇසුරෙනි.
