එක්සත් ජනපදයේ ප්‍රමුඛතම අධ්‍යාපන ආයතනයක් වන කොලොම්බියා විශ්වවිද්‍යාලය (Columbia University), සිය විශ්වවිද්‍යාල භූමියේ යුදෙව් විරෝධය (anti-Semitism) පාලනය කිරීමට අපොහොසත් වූ බවට එක්සත් ජනපද ජනාධිපති ඩොනල්ඩ් ට්‍රම්ප්ගේ (Donald Trump) පරිපාලනය විසින් එල්ල කරන ලද චෝදනා සමථයකට පත් කිරීම සඳහා ඩොලර් මිලියන 221ක් ගෙවීමට එකඟ වී තිබෙනවා.
මෙම ගිවිසුම යටතේ කොලොම්බියා විශ්වවිද්‍යාලයට වත්මන් සහ අනාගත ප්‍රදානයන්ගෙන් ඩොලර් බිලියන ගණනක් නැවත ලබා ගැනීමටද හැකි වනු ඇති බව විශ්වවිද්‍යාලය සඳහන් කර ඇත.
කොලොම්බියා විශ්වවිද්‍යාලය පැවසුවේ, මෙම ගිවිසුම මගින් මාර්තු මාසයේදී ප්‍රකාශයට පත් කරන ලද ප්‍රතිසංස්කරණ විධිමත් කරන බවයි. යුදෙව්වන්ට එරෙහි හිරිහැරවලට විසඳුම් සෙවීම සඳහා වැඩි මහජන ආරක්ෂක නිලධාරීන් බඳවා ගැනීම, විනය ක්‍රියාවලීන් වෙනස් කිරීම සහ “සමගාමී හා ගෞරවනීය ඉගෙනුම් පරිසරයක්” පෝෂණය කිරීමට දරන ප්‍රයත්නයන් මේ අතර වේ.
ගිවිසුම යටතේ, සමාන රැකියා අවස්ථා කොමිෂන් සභාව (Equal Employment Opportunity Commission) විසින් ඉදිරිපත් කරන ලද චෝදනා සමථයකට පත් කිරීම සඳහා ඩොලර් මිලියන 21ක ගෙවීමකට අමතරව, කොලොම්බියා විශ්වවිද්‍යාලය වසර තුනක් පුරා ෆෙඩරල් රජයට ඩොලර් මිලියන 200ක් ගෙවනු ඇත.
උපුටා ගැනීම: සියළු තොරතුරු ALJAZEERA ඇසුරෙනි.
