ඇකඩමි සම්මානලාභී සහ ඔස්කාර් සම්මානලාභී ජනප්‍රිය නිළි ඩයෑන් කීටන් (Diane Keaton) වයස අවුරුදු 79 දී අභාවප්‍රාප්ත වී ඇත.
ලොස් ඇන්ජලීස්හි උපත ලද කීටන්, 1970 දශකයේදී ‘ද ගෝඩ්ෆාදර්’ (The Godfather) චිත්‍රපට මාලාවේ කේ ඇඩම්ස්-කෝර්ලියෝන් (Kay Adams-Corleone) චරිතය හරහා අතිශය ජනප්‍රියත්වයට පත් වූවාය.
ඇය ‘ඇනී හෝල්’ (Annie Hall), ‘ෆාදර් ඔෆ් ද බ්‍රයිඩ්’ (Father of the Bride) සහ ‘ෆස්ට් වයිව්ස් ක්ලබ්’ (First Wives Club) ඇතුළු චිත්‍රපටවල ප්‍රධාන චරිත සඳහා ප්‍රසිද්ධියට පත් වූවාය. 1978 වසරේදී ‘ඇනී හෝල්’ චිත්‍රපටයේ රංගනය වෙනුවෙන් ඇය හොඳම නිළිය සඳහා වූ ඇකඩමි සම්මානය (Academy Award for Best Actress) දිනා ගත්තාය. ‘ඇනී හෝල්’ සඳහාම, ඇය හොඳම නිළිය සඳහා වූ ගෝල්ඩන් ග්ලෝබ් සම්මානය සහ ප්‍රධාන චරිතයක හොඳම නිළිය සඳහා වූ BAFTA සම්මානය ද හිමි කර ගත්තාය.
දශක පහකට අධික ඇයගේ වෘත්තීය ජීවිතය තුළ, කීටන් ‘ද ෆැමිලි ස්ටෝන්’ (The Family Stone), ‘බිකෝස් අයි සෙයිඩ් සෝ’ (Because I Said So) සහ ‘ඇන්ඩ් සෝ ඉට් ගෝස්’ (And So It Goes) ඇතුළු චිත්‍රපට ගණනාවක රඟපා ඇත. තවද, ඇය ‘Play It Again, Sam’, ‘Sleeper’, ‘Love and Death’ සහ ‘Manhattan’ වැනි වූඩි ඇලන්ගේ (Woody Allen) චිත්‍රපට රැසක ද රඟපෑවාය.
කීටන් සිය සිනමා දිවිය ආරම්භ කළේ 1970 වසරේදී තිරගත වූ ‘ලවර්ස් ඇන්ඩ් අදර් ස්ට්‍රේන්ජර්ස්’ (Lovers and Other Strangers) නම් ආදර ප්‍රහසන චිත්‍රපටයෙනි. ඇයගේ අවසන් චිත්‍රපටය වූයේ, 2024 වසරේ තිරගත වූ ‘සමර් කැම්ප්’ (Summer Camp) නම් ප්‍රහසන චිත්‍රපටයයි.
ඇයගේ චිත්‍රපට චරිතවලදී මෙන්ම පෞද්ගලික ජීවිතයේදීද, පිරිමි ඇඳුම් සහ පළල් තොප්පි නිතරම ඇතුළත් වූ ඇයගේ සුවිශේෂී විලාසිතාව (unique style) වෙනුවෙන් කීටන් ප්‍රසිද්ධියක් ඉසිලුවාය.
උපුටා ගැනීම: සියළු තොරතුරු BBC ඇසුරෙනි.
