දින 12ක් පුරා පැවති දැඩි ගුවන් ප්‍රහාර හුවමාරුවකින් පසුව, ඊශ්‍රායලය සහ ඉරානය සටන් විරාමයකට එකඟ වී ඇති බව වාර්තා වේ. මෙම ගිවිසුමට ටෙහෙරානය විසින් එල්ල කරන ලද “අවසාන මොහොතේ” ප්‍රහාර මාලාවක් ද ඇතුළත් විය.
ඊශ්‍රායල අගමැති බෙන්ජමින් නෙතන්යාහු ප්‍රකාශයක් නිකුත් කරමින් කියා සිටියේ, අමෙරිකානු ජනාධිපති ඩොනල්ඩ් ට්‍රම්ප් විසින් ප්‍රකාශයට පත් කරන ලද සටන් විරාම යෝජනාවට ඊශ්‍රායලය එකඟ වී ඇති බවයි. ඊට පෙර, ඉරාන රාජ්‍ය රූපවාහිනිය වාර්තා කර තිබුණේ සටන් විරාමය දැනටමත් ආරම්භ වී ඇති බවයි. ඊශ්‍රායලයේ ප්‍රකාශය නිකුත් වූයේ ට්‍රම්ප් මහතා සමාජ මාධ්‍ය සටහනක සටන් විරාමය “දැන් ක්‍රියාත්මකයි” යැයි පැවසීමෙන් පසුව වේ.
විශේෂයෙන්ම අමෙරිකාව ඉරානයේ න්‍යෂ්ටික බලාගාරවලට බෝම්බ හෙලීමෙන් පසුව සහ ටෙහෙරානය කටාර්හි අමෙරිකානු කඳවුරකට ප්‍රහාර එල්ල කිරීමෙන් පසුව මෙම ගැටුම උත්සන්න විය. නෙතන්යාහු ප්‍රකාශ කළේ, මෙහෙයුමේ අරමුණු සාක්ෂාත් කර ගැනීමෙන් පසුව සහ ජනාධිපති ට්‍රම්ප් සමඟ පූර්ණ සම්බන්ධීකරණයෙන්, “ද්විපාර්ශ්වික සටන් විරාමය” සඳහා වූ ජනාධිපතිවරයාගේ යෝජනාවට ඊශ්‍රායලය එකඟ වූ බවයි.
උපුටා ගැනීම: සියළු තොරතුරු ALJAZEERA ඇසුරෙනි.
