මැලේසියානු අගමැති අන්වර් ඉබ්‍රාහිම් (Anwar Ibrahim) ඉහළ යන ජීවන වියදම පිළිබඳ මහජනතාවගේ නොසන්සුන්තාව විසඳීම සඳහා නව පියවරයන් ප්‍රකාශයට පත් කර ඇත. වැඩිහිටි පුරවැසියන් සඳහා මුදල් දීමනාවක් ලබා දීම සහ ඉන්ධන මිල අඩු කිරීමට පොරොන්දු වීමද මෙයට ඇතුළත් වේ.
මෙම නිවේදනය නිකුත් වූයේ, ඉහළ යන මිල ගණන් සහ පොරොන්දු වූ ප්‍රතිසංස්කරණ ලබා දීමට අපොහොසත් වීම ඇතුළු ගැටලු සම්බන්ධයෙන් අන්වර් ඉබ්‍රාහිම්ට ඉල්ලා අස්වන ලෙස ඉල්ලා, මැලේසියාවේ අගනුවර වන ක්වාලාලම්පූර් (Kuala Lumpur) හි සෙනසුරාදා (ජූලි 26) පැවැත්වීමට නියමිතව තිබූ විරෝධතාවකට පෙරයි.
අන්වර්ගේ පාලනය, මේ වසරේ ආදායම් සහ ඵලදායිතාව ඉහළ නැංවීම සඳහා අවම වැටුප් වැඩි කිරීම, අධික විදුලි පාරිභෝගිකයන් සඳහා විදුලි ගාස්තු වැඩි කිරීම සහ සමහර ආනයනික පලතුරු සහ සුඛෝපභෝගී භාණ්ඩ සඳහා නව විකුණුම් බදු පැනවීම වැනි පියවර ගණනාවක් ක්‍රියාත්මක කර තිබෙනවා. අන්වර් පවසා ඇත්තේ, මෙම පියවර ප්‍රධාන වශයෙන් විශාල ව්‍යාපාර සහ ධනවතුන් ඉලක්ක කරගත් ඒවා බවයි.
උපුටා ගැනීම: සියළු තොරතුරු CNA ඇසුරෙනි.
