ඇමෙරිකානු ජනාධිපති ඩොනල්ඩ් ට්‍රම්ප්, ඉරානයේ න්‍යෂ්ටික කලාප “සම්පූර්ණයෙන්ම සහ මුළුමනින්ම විනාශ කළ” බවට ප්‍රකාශ කිරීමෙන් පසු, ඉරානය විසින් දැඩි අනතුරු ඇඟවීමක් නිකුත් කර තිබේ. රූපවාහිනී දේශනයක් අතරතුර ට්‍රම්ප් කියා සිටියේ, ඉරානය දැන් සාමය තෝරා ගත යුතු බවත්, එසේ නොවුණහොත් ඇමෙරිකාව තවත් ඉරාන කලාප ඉලක්ක කරන බවත්ය.
“එය සාමයක් වනු ඇත, නැතහොත් පසුගිය දින අට තුළ අප දුටු දෙයට වඩා බෙහෙවින් විශාල ඛේදවාචකයක් ඉරානයට සිදුවනු ඇත,” ට්‍රම්ප් පැවසීය.
ඊට ප්‍රතිචාර ලෙස ඉරානය අනතුරු අඟවා ඇත්තේ, සිය න්‍යෂ්ටික පහසුකම්වලට තවදුරටත් ප්‍රහාර එල්ල කළහොත් “සදාකාලික ප්‍රතිවිපාක” ඇති වනු ඇති බවයි.
දෙරට අතර ආතතීන් තියුනු ලෙස උත්සන්න වී ඇති අතර, කලාපයේ පුළුල් ගැටුම් ඉහළ නංවා තිබේ.
උපුටා ගැනීම: සියළු තොරතුර Reuters ඇසුරෙනි.
