අඟහරුවාදා (ජූනි 17) දින එක්සත් ජනපද සෙනෙට් සභාව, ඇමරිකානු ඩොලරයට සම්බන්ධිත Stablecoin නමැති ක්‍රිප්ටෝ මුදල් ඒකක සඳහා නියාමන රාමුවක් ඇති කිරීමේ පනතක් සම්මත කළේය. මෙය ඩිජිටල් වත්කම් කර්මාන්තයට වැදගත් සන්ධිස්ථානයකි.
“GENIUS පනත” ලෙස නම් කර ඇති මෙම පනතට, පක්ෂ දෙකේම සහය ලැබී ඇති අතර, 68-30 ඡන්දයෙන් එය සම්මත විය. දැන් මෙම පනත අනුමැතිය සඳහා නියෝජිත මන්ත්‍රී මණ්ඩලය වෙත යොමු කරනු ඇත.
මෙම පනත Stablecoin සඳහා නියාමන ක්‍රමවේදයක් මුලින්ම ස්ථාපිත කරන අතර, එය ශීඝ්‍රයෙන් වර්ධනය වන මූල්‍ය නිෂ්පාදනයක් සහ කර්මාන්තයක් සඳහා වැදගත් වේ. ඩොලරයට 1:1 අනුපාතයකින් ස්ථාවර අගයක් පවත්වා ගැනීමට නිර්මාණය කර ඇති Stablecoin, මුදල් ඉක්මනින් මාරු කිරීමට භාවිත කරන අතර, ක්ෂණික ගෙවීම් සඳහාද ඒවා යොදාගත හැකි බවට යෝජකයෝ පවසති.
උපුටා ගැනීම: සියළු තොරතුරු CNA ඇසුරෙනි
