අයිස්ලන්ත අගනුවර අසල සිව් වසරක් තුළ දොළොස්වන ගිනි කන්ද පුපුරා යයි!

අයිස්ලන්තයේ අගනුවර වන රෙක්ජාවික් (Reykjavik) අසල පිහිටි සන්ඩ්නූකූර් (Sundhnukur) ගිනි කන්ද පුපුරා ගොස් තිබේ. මෙය 2021 වසරෙන් පසු උතුරු අත්ලාන්තික් දූපත්වල සිදුවූ 12 වන ගිනි කදු පිපිරීම බව අයිස්ලන්ත කාලගුණ විද්‍යා කාර්යාලය (Icelandic Meteorological Office) පවසා ඇත.
එම නියෝජිතායතනය සඳහන් කර ඇත්තේ නිරිතදිග අයිස්ලන්තයේ පිහිටි විදාරණ විවරය මීටර් 700 සිට 1,000 දක්වා (යාර 765 සිට 1,095 දක්වා) දිගු බවයි. ගලා යන ලාවා වැඩි වශයෙන් ගලා යන්නේ ගිනිකොන දෙසට වන බව එය තවදුරටත් පවසා ඇත.

GPS මිනුම් මත පදනම්ව, මෙය සාපේක්ෂව කුඩා පිපිරීමක් වීමට ඉඩ ඇති අතර සුඛෝපභෝගී බ්ලූ ලගූන් (Blue Lagoon) සහ අසල පිහිටි ග්‍රින්ඩාවික් (Grindavik) ධීවර නගරයෙන් ජනතාව ඉවත් කර ඇති බව වාර්තා වේ.අයිස් සහ ගිනි දේශය ලෙස බොහෝ විට හඳුන්වන අයිස්ලන්තයේ, වසර හතරකට පෙර එහි රේක්යානේස් අර්ධද්වීපයේ (Reykjanes Peninsula) භූ විද්‍යාත්මක පද්ධති නැවත සක්‍රිය වීමෙන් පසු ගිනි කඳු පිපිරීම් දුසිමක් වාර්තා වී තිබේ.

රේක්යානේස් හි සිදුවූ පිපිරීම් මෙතෙක් කල් අසල පිහිටි රෙක්ජාවික් නගරයට තර්ජනයක් වී නැති අතර, 2010 දී අයිජෆ්ජල්ලාජොකුල් (Eyjafjallajokull) ගිනි කන්ද පුපුරා යාම මෙන් ගුවන් ගමනාගමනයට බාධා ඇති කර නොමැති බව වාර්තා වේ.

ග්‍රින්ඩාවික් නගරයේ 2023 දී ඉවත් කිරීමේ නියෝගයක් නිකුත් කිරීමට පෙර 4,000 කට ආසන්න පිරිසක් ජීවත් වූ අතර, ලාවා ප්‍රවාහයන් සහ ඒ ආශ්‍රිත භූමිකම්පා තර්ජනය හේතුවෙන් එය බොහෝ දුරට අඩු වී ඇති බව වාර්තා වේ.